Verified answer

我都係住元朗架,我養左8隻狗,以前我D寶貝一直睇開新太陽,

睇親都只係一D小毛病(打預防針,傷風,咳),一般小問題都OK的,

但自從有一次:我剛買左隻兩個月既CHOW B,養左10日到,

開始有D傷風咳,咁我就帶佢去新太陽睇,去到醫生話冇乜事,

打左枝針開左D藥,CHOW B返到屋企好累即刻瞓覺,

到夜晚開始咳得好西利鼻水一直流,

我即刻帶佢去維多利24小時果間再睇(鬼佬男醫生),

去到醫生話擔心佢可能係狗瘟,要幫佢驗血,

驗完話冇事只係普通傷風咳,我即刻安樂D,

又係開左D止咳止鼻水藥,食左維多利D藥1日多D,開始唔對路,

CHOW B好似好辛苦,越黎越嚴重咁,

我即刻帶佢去東方再睇多次,講普通話既台灣醫生

(呢次個醫生仲好笑.九唔搭八)佢檢查完話,

冇乜問題只係BB抵抗力唔好,有D大感冒,

不過...佢身體入面應該有D事,佢打開CHOW B個口同我講,

你睇...佢條"利"紫色架,應該有D事,我話醫生你識唔識架?

正式純種鬆獅條"利"一定係紫色架,佢話冇狗條"利"係紫色,

紫色一定係有事,我都費事再同佢講,即刻比診金帶CHOW B走,

最後朋友介紹,我帶左CHOW B去太平道寵物診所,

搵DR.ELAINE睇,佢話CHOW B係狗瘟,佢話會盡力幫我醫,

其實狗瘟醫返既機會真係好微,當時我真係唔敢抱太大希望,

CHOW B係醫院住左一個幾月,病情好反覆,

其間仲發現有脫肛既情況,要開刀,身體咁弱仲要開刀,

當時我真係以為CHOW B會唔得架喇,

但最終都比ELAINE醫生醫返好,CHOW B依家已經8個月喇,

健健康康,不過都仲要定期返去覆診

仲有一次我隻金毛去左訓練學校返學(住一個月果D),

有一日學校打黎話佢嘔得好西利,咁我見佢嘔得咁西利

唔想帶佢出太平道咁遠睇,驚佢坐車會仲辛苦,

所以唯有帶佢返新太陽睇,睇完醫生話冇乜事,開D止嘔藥就得,

返到屋企照醫生講1日食3次,到第2日依然冇好轉,都係唔放心,

冇辦法下都係帶佢去太平道再睇,ELAINE醫生檢查左好內,

話肚入面好似有D野,要幫佢照X光,照完發現腸入面有異物要開刀,

開完刀入面竟然有個玩具波波係大腸,

全靠ELAINE醫生一次再一次救返我D寶貝,

所以我覺得元朗D醫生一D都唔搞,冇料到,又唔專業,

又唔夠細心,做檢查又求求其其,如果小問題都可以試下既,

但嚴重小小都唔好駁呀,我唔會再信元朗D醫生架喇,

試過兩次已經完全怕怕,我介紹你D寶貝睇太平道寵物診所,

果度D設備又齊全,環境又好好,診金就可能比元朗果D貴少少,

但至少安全可靠,零願比多少少錢搵間好D既,當買個安心,

總好過有事上黎喊到無謂啊,果度有好多個醫生,

每個醫生都有自己一科專長,如果特別病症佢會介紹你睇邊個醫生,

聽講麥子健都好好,好細心,又有醫德,

我D寶貝就睇開ELAINE醫生,係女醫生黎架,檢查又細心,人又好

全部都係我個人經歷,希望幫到你啦^.^

狗仔都要睇返夾唔夾個醫生...

之前狗狗有病去左睇九龍城柏X醫院....食佢D藥嘔得更勁...一停左某隻藥就慢慢好返...

另一隻嘔血TIM...去左太平道睇...比較大型...而且多醫生..

睇左好返

至於NVP就比較平...但唔等於唔好....但係好難BOOK..

如果你由元朗搭去太平道寵物診所...搭的士會好貴同D司機黑面...你可以考慮下Book Van 仔...

不過我就無試過..因為我住九龍..多數搭的士..

上狗狗論壇見人講""勁達""好似平而且服務好...不過電話no.就唔知..sorry

我現在的小狗今年13歲,以前看太平道的醫生,移民了、現是在柏域動物診所=九龍城獅子石道看向醫生,

小狗尿尿出血,照了X光,有石,但向醫生話年紀太大了不建議做手術,用薬試試吧,10天後再覆時己好了7成, 再開了10天藥,佢話如冇大変就唔使去了,在外薬房買藥平D. 我覺得佢好好人,聽講佢仲時時做動物義工, 佢有時在新界分店, 打电話問吓啦