我12月尾打籃球果陣右腳腳踝（外）咬柴，即晚去睇鐵打，連續睇左兩日，但成隻腳掌都腫哂，幾日唔消，於是去左睇急症，照完x光先發現腳內檔凸出黎果舊骨下面有一粒仔骨碎，醫生話抖下就會好。

我抖左大約一個月之後見咬柴個位仲未消腫，而且腳跟位成日好似好緊，拉住拉住，特別係蹲下來嘅時候。於是去左睇物理治療，做針灸。

睇左一個月有多都冇乜效果... 呢排又開始睇番鐵打..

我以前試過無數次咬柴，但通常兩三個星期就冇事（今次係第一次咬柴之後睇鐵打/醫生，以前從來冇睇）

我想問下會唔會係我其他部位/筋腱都有事導致我三個月都好唔番？同埋有冇介紹去睇咩可以check到我隻腳究竟咩事？感謝大家幫忙！