如果住左廿年既屋企大裝修, 咁裝修既時候, 一般d人會住係邊?

May 2021 5 62 Report

如果住左廿年既屋企大裝修, 咁裝修既時候, 一般d人會住係邊?

我想問既係,, 我同家人住左成廿幾年既公屋, 因為太殘舊啦, 所以諗住裝修下佢, 咁係呢段期間, 有d大件細件電器都會保留番, d衫呀,被呀,, 濕濕碎碎既野都會要番, 其餘d傢俱都會唔要既,,, 之但係,, 我地要成間屋大執, 咁,, 我地一家五口搬去邊既呢????

我想係呢度問下,, 有無朋友試過咁既情況, 教下我可以點做好.....

唔該晒 ~

更新:

我想問下,, 有無朋友係"將軍澳"區, 有公屋, 或者居屋,, 近住寶林站既,,, 可以租兩個月比我同家人住?!

咁我同時間亦可以去問下d地產,,, 但唔知會唔會收好貴既佣金呢?

如果大家有識得人想租出黎,, 我好有意思呀,,,

家居與園藝 / 裝飾及裝修

tang54396

Verified answer

首先你可以去你住所附近的地產公司, 委託佢幫你忙, 揾間有短期租約「一般要两個月」嘅屋租住先, 點都平過住酒店, 方便過租住商務套房, 比喻買餸煮飯, 家人大小之日常生活和作息, 點都方便過以上两种租住形式的酒店, 況且你家要大裝修, 順順利利都要個多月時間, 裝修完重有好多嘢要重新佈置, 所以租住两個月都啱啱好, 還有舊屋的東西可以搬到租住的地方擺放, 不要的傢俬什物叫裝修師傅幫你處理, 你盡可能吉屋交比師傅去裝修, 有嘢阻住點都係唔方便, 加上有料搬入地盤, 真係沙塵滾滾架, 若租到附近地方, 你亦方便於裝修期間返屋企睇工程進度, 真係車錢時間都慳好多. 祝你好運！希望我提供的意見可以幫到你。

MiaoMiao

成間屋大裝修，一定要搬出去住，如果有親戚朋友肯招呼，當然可以去住，但一家五口就好難，除非人地肯俾成間房你地住，而且你要清楚裝修要幾耐，２個禮拜定一個月？你可以考慮租短期住房，報紙常常登可住長短期那種。但質素如何就不知道。另一個省錢方法，就係分頭搵地方，人家勉強招呼一個人住比較容易。如果唔怕裝修時地方污糟，可以晚上返去睡。