Verified answer

咁啱我啱唲15/16號去完長隆酒店同水上樂園玩~我係訂中旅package二日一晚住長隆酒店一晚貴賓房包來回hk同長隆直通(中旅/永東)巴士同水上樂團入場票~二個巴士都係皮梳化~新淨~很舒適~

二人$1800~package 價錢~佢話貴賓房做特價~如要普通房平少少既~

我覺得坐大巴會舒服d~去果程佢行皇崗過~都好快~返果程佢行最新既深圳灣過~仲快~坐船好似快d d ~但要轉黎轉去就覺得麻煩 d 落船後轉車要一個鐘左右~ 但大巴有時會塞下車~佢喺祈福新村一落車就有專人捉你上去長隆既小巴~車程15分鐘左右~全程hk上到去要4個鐘倒~坐大巴可選你喺hk邊度上車~

我地就選左水上樂園套票~去到第一日下午就立即去玩~很多都要排長龍~玩8彩天梯要45分鐘~其他大約都要30分鐘~最新既大喇叭都要40分鐘~得個排字~但發現玩到大約5點倒~很多本地人消失左~(因可能for 本地人會早返家食飯)~d 本來要排隊既都起碼減半人~再去排玩大喇叭都只係10分鐘就到~唔夠喉再排都得~所以我地下次如再去會識玩~玩左d 唔洗排既漂流河舒服下先~同人造浪(很正)~同倒大筒水果座野都好好玩~之後冇咁多人先去排 d 想玩既就會慳返 d 排隊時間~記得攞定d 錢喺身~因佢會比一個防水小筒仔你用可放d 錢~你要用錢去租大水抱同買野飲食~我地上次就係帶唔夠錢~又渴又餓~同唔夠錢租多個水抱~

帶定錢去仲可喺水上樂園平 d 訂去睇馬戲團既票~長隆酒店買要100蚊~如喺水上樂園買只係70蚊張~咁上次玩完水上樂園就喺門口叫左部麵包車返酒店20蚊~其實長隆酒店係有公巴二蚊位來回水上樂園~但要等二十分鐘一班~會經濟d~

咁果晚晚上就睇馬戲團~我另有fd 睇過一次~但今次佢都話會再陪我地睇~因佢覺得好好睇~大部份都係俄羅斯人~搞得好有氣分 ~ 也有動物表演~好好笑的~空中飛人~魔術~雜技...等~大約做個半鐘~7:30開始~喺長隆酒店行過去只係5分鐘~唔洗搭車~9:00完左喺歡樂世界果邊仲放煙花成10分鐘比我地睇~d 煙花靚過喺香港放果d 多多聲~好特別~

之後再租麵包車去祈福新村巴士總店過馬路果邊有一間叫貓頭鷹的餐廳食炭燒蠔同飲酒~炭燒蠔都係10蚊3大隻~好香口~(我地去親祈福新村一定會去果度食既)~我地果日六人每人食左五隻~果度仲有炒烏冬or 炒飯果d 飽肚野食~唔錯架~之後再叫返果架麵包車接返去酒店~一程40蚊~來回80蚊~係經講價後既價格黎~人多坐麵包車就抵 ~ otherwise 坐的士來回祈福~都係30蚊到~因為朋友話喺長隆冇好野食~有好既都貴~有日本野同西餐食~貴d lor~ 去當地緊係去當地既祈福食啦~長隆有間好大既食buffet 既餐廳~但buffet 喺hk 食都有很多正既~所以我地寧願去食炭燒蠔啦~

全部入場票都可喺酒店買到~會平過喺現場買~歡樂世界都係酒店附近~行去就得~第二日我地去左長隆動物園~100蚊酒店買入場票~都係坐二蚊既巴士去到~都很好玩(如果鐘意動物會好正)~

長隆酒店大部份1:00都有房~上次我地要三間房就得一間1:00有房要住先~之後玩完返黎先要埋其他~佢有地方比你放住行李先既如果未有房比到你~check out 上次問左最遲 1:00 ~ 如果去玩都係可以放抵行李比佢托管~很方便~服務很好~

如果坐大巴就直接到祈福再轉小巴去酒店~走既時候就會叫你喺祈福上車反hk~所以我地果日去完動物園就又返祈福食晚飯~喺半山區既會所叫王真真既泰國餐廳~食佢既泰式生蝦同咖哩肉蟹(78蚊一份)都係勁正既~仲有明爐烏頭魚(48蚊份)~海南雞都好食~如果你叫麵包車都可叫佢車埋你入去(但呢區好似要有業主証)~我地有人有~

如果你去碼頭~應該酒沾要有車車你去~去祈福都係如有票佢都有車車你去~可問清楚佢地時間幾時有車就得~

廣州東火車站仍然很雜~小心為妙~所以如要去長隆最好安全d ~ 坐大巴直到~

我地就day 1去水上樂園因可返酒店沖個靚涼先~之後再去馬戲團~

day 2 check out 左先去動物園or 你要去既歡樂世界好 d ~ 因check out 左如去完水上樂團就冇得沖涼咁舒服麻~day 1玩完返酒店沖點都舒服過喺水上樂園沖~

比埋我地叫開個麵包車司機電話你~佢幾老實既~叫豪德~手機號碼~13113957846~

你喺酒店打比佢收費就平過你用你手機打比佢~你可到左知晒時間就喺酒店 call 定佢~邊度去邊度幾點~可以話係上個week 有六個hk 人去祈福既介紹既~比個特價黎啦咁~酒店打本地只係幾毫子~

我係唔係已答晒你d 問題啦?

2007-09-17 15:02:10 補充：

長隆酒店最正喺早餐可對住二隻大白虎食早餐~感覺很新鮮~同養左 d 真既 flemingo 喺酒店 ~ 佢地都好靚~

一心旅遊套票 19/9 - 20/9 旺角 2780 3233 可代訂門票

http://www.airticket.com.hk/packages/China/ChinaSh...

$1356 兩位

香港至番禺來回車票 2 套

穿梭巴士往返碼頭 / 酒店

標準雙人房

酒店西式早餐2份

享用室外泳池健身室

康體設施 9 折

$1416 兩位

直行船往返 中港城 / 連花港 2 套

穿梭巴士往返碼頭 / 酒店

標準雙人房

酒店西式早餐2份

享用室外泳池健身室

康體設施 9 折

油麻地旅遊套票雙人廣州景星酒店+水上樂園HK$580（兩人）,另外在中旅社買長隆大馬戲有discount, HK$105(每人)。在羅湖坐火車去廣州，check in 後坐廣州地鐵去長隆站，晚上睇大馬戲好好睇，表演勁精彩。

2007-09-16 22:52:05 補充：

一般 12:00 pm 左右 check in / out , 可以試下問可唔可以遲 d

2007-09-16 22:54:19 補充：

早去到都可以試下 check in , 有房的話就冇問題

1. 雖然我未從香港達過船去番禺,但直通車就去到廣州東站,然後再打的士會好d.唔塞車的話大概需要30分鐘.

2. 其實如果係香港買無咩特別優惠的話,去到買都一樣.不過就係用人民幣.

3. 其實你從香港去到長隆,都應該可以check-in啦.

4. 應該可以

5. 一般12點前check-out

6. 你係大堂問下有無車,不過應該就貴d

7. 廣州有兩個火車站, 你一定要講明係火車東站.如果唔係就賴野.相比之下,東站好d啦

8. 無話邊個好d的, 個人喜好拉.

9. 大馬戲米即係有雜技阿,動物表演果種lo. 有沒有看過之前無線果套人生馬戲團阿?

希望以上可以幫到你.