我出緊智慧牙，都痛左排。照x光睇到左面下面個成隻90度橫生，另一面都好似係........我個牙醫話我隻牙俾d肉包住哂，一定出唔到，但佢話佢唔會幫我做手術，危險高.......佢話一係搵專科做，貴但唔洗等(佢冇介紹我)，一係去菲臘，平但可能要排好耐。有冇人同我一樣情況去過菲臘剝智慧牙，點去同等左幾耐?或者有冇牙醫介紹?Update:我住東區嫁~咁我係唔係可以叫我個牙醫寫介紹信俾我去公立醫院嫁?但去公立醫院係唔係要等好耐?因為我都好痛下，影響到我成日以為我隻耳仔痛.....有冇得早d做到?. Created by Edith. en - en - en

其實除左菲臘牙科醫院,仲有其他醫院牙科有得做剝智慧齒手術,全部都需要介紹信去預約,不過大部份都要等一年左右,如香港東區尤德,九龍觀塘聯合,長沙灣明愛,沙田威爾斯,葵涌瑪嘉烈等,不過醫院而家分左區,要睇你住邊區先去附近的醫院,佢地收費好平,新症$100,舊症$60,做手術都係$100住院費,所以要等成年都好多人等!如果你俾得起錢可以去搵私家專科醫生(口腔頜面外科專科)(http://www.dchk.org.hk/docs/list2.pdf 我推介Dr NF Yu)不過真係好貴,最起碼check下都好幾百,做手術要$1000至幾萬不等(視乎情況而定,大部份幾千蚊攪掂),試過有病人同我講如果去私家醫院做剝智慧齒,要約手術室,麻醉醫生,連同私家牙醫手術費要4萬,不過佢個牙醫都算有良心,叫佢去公立醫院做,佢知要等成年都只好等!