Verified answer

既然在工作中受傷, 又已經判咗傷係0.5%, 咁要賠幾多係有數得計.

補償金額係會根據你朋友受傷時既年齡, 每月既收入,

以及判傷既百份比來計算, 唔係隨口嗡.

呢D多資料我地都唔知. 所以又點知5萬啱唔啱 !

你叫你朋友去勞工署預約僱員補償跟進服務, 佢地會幫你朋友計架喇.

仲有就係, 你朋友已向勞工署提出咗覆判.

咁佢可以等埋覆判, 睇下覆判會唔會多D, 同埋僱主會唔會賠多D.

在未覆判前, 僱主唔可以迫你朋友接受和解.

你叫你朋友去勞工署問下佢既權益啦 !

好過喺度問嚟問去, 我地又冇咁多資料答你.

2014-07-21 12:15:28 補充：

你朋友D傷勢係會影響到佢既工作能力, 但因判傷只係0.5%,

所以影響輕微。亦因為判傷只係0.5%,

以最年輕及月入2萬元計, 好可能5萬元和解已經屬於高.

你叫你朋友快D去勞工署問下佢既權益啦 !

首先有一個好重要既問題, 你話: 對方出5萬元提出和解.

對方是個間機構? 定果位智障人士?

1. 如果係果位智障人士. 咁對唔住, 你收左佢當冇事, 因為你點告佢都告唔入. 至於你怕傷勢影響到工作能力, 已經驗左傷, 勞工處亦已經知道左, 基本上你可以成世係果個機構到做, 唔使驚果個機構炒你, 否則因工傷而解僱僱員, .......有几大鑊, 你知架啦. 個機構肯定唔敢炒你. (至少一兩年內你100%安全)

2. 如果係個間機構. 重點在於佢有冇疏忽. 純粹例子:

明知道果位學員有暴力傾向, 冇check 清楚就收左佢, 又冇提醒員工, 咁就好大鑊, 唔可能5萬了事.

如果間機構已經做晒預防措施, 咁實屬不幸, 賠得唔會多.但依然可以用上面方法, 以工傷做借口, 佢都唔可以炒你.

骨科醫生見你尐骨冇事就逼人去判傷，建議內科同磁力共振都做埋先。

五萬收唔過，申請法援先係正解。

如果能夠證明公司有專業疏忽，追埋疏忽索償都仲得。

如果你冇索償理據，人哋保險公司點解要咁大方比五萬蚊你傾和解？

留番比佢哋班ceo出花紅唔好？

假如你收左顧主五萬, 雙方簽定和解協議, 日後腰背和肋骨還感到疼痛就不能有賠償. 你到時想再睇醫生 檢查照X光, 磁力共震, 物理治療之類就要自費. 收吾收就佢屋企人衡量.

睇下你對方認為5萬蚊夠5夠wo要,如果你朋友兜 得5萬蚊足夠應付以後既日常開支既話就和解,如果唔夠就唔和解,但亦可以提出要幾多錢先可以和解,但最好計清楚點解你要拎咁多錢,當然亦可以唔計但我估計對方一樣會問點解要咁多錢,最好拎埋醫療報告,咁就可以有充份證據證明你朋友傷成點,朕瞁後遺症,會5會有一段時間唔做得某d野(例如拎重野等等)