Verified answer

１．我唔知點答「燈魚有幾多款」，因為呢個係一個統稱，包括鮨鯉科同鯉魚科，真係好多種，多到可以出專書、圖鑑，而且o係密林之中亦不時有新品種發現（如近兩年出現o既「銀河燈」）。但魚街常見o既其實都係o個二三十種。

２．絕對可以多款混養。燈魚本性馴良，唔會太大攻擊性（但對好細o既魚或蝦就冇得好講），基本上只要避免一ｄ惡ｄ（如檸檬燈、企鵝燈）或大ｄ（如帝皇燈）o既品種，佢地都可以好和平。俾多ｄ水草同木石佢地躲藏亦有用。

３．魚攻擊對方，多數都向魚尾埋手，因為一輪「張牙舞爪」炫耀或試探之後，就會有一方示弱、逃走，勝方如果追上去，咬o既一定係魚尾。注意，娃娃（淡水雞泡魚）嗜咬魚尾。

４／５．價格可以差好遠，由一袋廿五條o既紅蓮燈，到近四十蚊一條o既銀河燈，任君選擇，根本就係豐儉由人。紅蓮燈大量人工繁殖一定最平，三角燈、金三角燈都好平，一袋唔駛廿蚊都成七八條。白雲山（金絲／獅燈）係香港土產品種，亦好易養。要買就當然係去魚街最多選擇啦。

６．要注意o既就太多啦，因為你明顯係新手。

首先你個缸有幾大？用把尺度下（ｃｍ），長濶高相乘，得出個數除一千，就係個缸可以裝幾多升水。呢個數亦等於成個缸可以養o既魚o既理想總長度。即係話如果個缸有２０升水，就應該可以養總長度２０ｃｍo既魚，大約係七條燈魚（一般都有３ｃｍ長）。唔係話唔可以養多過呢個數（超養），但咁做加大過濾系統o既負擔，一出事可以成缸死哂。

另一點係，燈魚係群居o既，一種應該要養三條起碼，佢地先有安全感。另外唔好亂買魚，做足功課，知道ｄ魚o既脾性（魚街ｄ無良商人會話以惡出名o既小王子、藍斑馬「好馴良」）同會有幾大條（魚街好多大魚o既ｂ賣，長大後可以以尺計），買左冇得後悔。

其他資料，如點揀魚、必須器材（氣泵、濾水器）、新魚入缸步驟（對溫對水）、日常管理（換水、餵糧），請參考我o既舊答案〔for 我想要養魚的新手資料〕：

http://hk.knowledge.yahoo.com/question/question?qi...

總之慢慢o黎，俾ｄ耐性，ｄ魚先會健康愉快。