Verified answer

可以的，不過唔係上述兩位仁兄講得那麼簡單，佢地真的識少少扮晒代表啦

第一千萬唔好用第一位講的冷氣噴射清潔劑，那係令急速死亡的最佳方式，原因係如果你的冷氣真的很污垢，那麼你一噴上時的確好開心見到好好的效果，可惜那就是自殺的開始，原因有幾個：

1) 一般人都只會噴射室內冷凍的部份唔會拉出機玉，那些污穢不堪的物體會流出機後散熱 部份，而散熱部份原本更須要清潔的，因為有好的散熱效果才能更凍更用電少，相反地經散熱風扇的打水圈會把那些污物打散吹送到散熱片上那麼更壞事，由室內通往機後的水道又會因為太多污泥而阻塞引致機前漏水，而且不論什麼清潔劑如果唔過水而留在機內就必死，好快金屬部份就會爛.

2) 先前都講過正確係要拆下機玉，再拆下電路控制組件及摩打(有些牌子可拆除，連風扇摩打都好易拆)或用膠袋包好，用專業的洗冷氣清潔劑有清潔去污除油及保護金屬的作用，大牌子"莊x"都有專業用的冷氣清潔劑或一般五金舖都有一些專用清潔劑不過有些不可信但都問題唔大，如果唔買用家庭有的強力清潔劑都可以，最好唔好先沖水，你可試下洗隔塵網都係千萬唔好先沖水，用足夠清潔劑例如"藍x寶"都可以，等十分鐘左右再沖洗那麼就潔白如新，當然要大量沖洗如果未如理想再做多次，我係專業人士一般都會做二次當然我會用兩種唔同的清潔劑，留意除了前後冷凍及散熱部份外豬籠風扇都必要洗，如果係分體冷氣豬籠風扇係好多污泥的，自己做唔做到就要睇個人啦，最後裝配回組件，用萬能表量度有無地方有水而對地漏電，如果有可以用風筒吹乾，特別要留心風扇摩打因為有孔會入水或壓縮機頂接線位置不過那裡好易處理，如果正常就要立即裝回原位而必須即時開動風扇，因為軸心有可能會有少少水入左啤零，行熱左就會散發左水份，如果唔係日後可能會好響‧

2007-08-18 01:45:44 補充：

可能你未細心睇我講的內容，當然係全機洗壓縮機係唔怕水的只係頂部接線位置要留心，不過入左水都唔係大事抹乾或用風筒吹乾就可以，但接線盒內有一個 Over Load 就要小心一點因為水會在睇唔到的地方，風扇摩打就一定會入水的最好包裹好一點或最少在底部的入線位同一些孔塞滿有黏貼性的膠更小心唔好沖太多水，十年機就兩睇啦有些舊機結構上仲好好因為那時的機種用料好厚又焗油，近十年的就好多一拉出機玉就報銷啦，爛到不得了，一洗就散晒‧

可以既，如果你要將個膽拿出來洗就乾淨D，如果你唔想將個膽拿出來，可以用一D較強力既清潔劑，比如洗車或洗地果種噴落去個冷喉吸風蒸發器到，記得將隔塵網先拆出來正洗，洗完要用足夠既清水沖洗，如果唔係，D清潔劑會傷到個蒸發器既。

依家有啲嘖霧式的清潔濟是用來自行清潔冷氣機的~

記得依照鑵上說明使用~