我用絲苗煲,覺得不甚理想,請問怎改善?更新:我估鋪頭用攪絆機攪爛些米,煲得又快又好?更新 3:加牛肉落粥,怎可以保持牛肉嫩滑?. Created by Yick Keung Y. hk - hk

請問煲粥,買甚麼牌子的米較好的?

用一般泰國米就得，但要新米。你可睇下d米，要有光澤，唔好有白點，就係新米。但你冇講你煲成點，同你要求d粥有咩效果，會唔會你唔夠米，或煲得唔夠時間，如果你煲好覺得唔夠綿，可放適量麥片，會好綿同滑。又有益。但有d人好憎麥片，但你放一至二匙for 一煲粥，冇可能食得出。

2009-06-02 19:02:21 補充：

shum910......你好

用雙羊牌百搭米或其它牌子的珍珠米煲粥先好食。

以前就得--------以前用 lee d 米煲粥真係好綿同滑，但近 lee十年己經唔 work 啦，用同以前同等份量既米，煲一煲粥，煲出黎水汪汪ga，我試過落多d 米，但都係唔得，咁我又冇理由放好似煲飯咁多米落煲粥到ga，雙羊重好d，其它牌子的珍珠米重衰，大家交換下心得姐。

2009-06-02 19:05:50 補充：

我懷疑種植方法，又或者用d唔知咩原因，另 d 米既質地改變左。

2009-06-02 23:55:52 補充：

我認同用油醃 15 分鐘好食d,綿d, 但不夠健康,點算呢?

呀媽教落，係放少少油同鹽腌既。但另有一種係放只切粒皮蛋，亦會令d 粥綿d同米快d爛。但如果係 for 病人食既白粥，我就一定唔會放油啦。

煲的時間要多久?

一般約2小時，不過都要睇你點處理d 米，如果煲之前浸耐d，煲就快d。

如果你唔係煲好多，約 2 大碗，你可試下用個暖水壼，放入米，再注入滾水(100 度)，幾個小時後，倒出黎加水落煲，個d米就己經爛晒，滾十至十五分鐘，就己經好綿，我 d 仔女細時，我每日都係咁整兩餐粥佢地食。

2009-06-03 00:00:59 補充：

我估鋪頭用攪絆機攪,煲得又快又好?

如果攪爛些米，食得出 ga........鞋口 d 。

2009-06-03 00:01:49 補充：

加牛肉落粥,怎可以保持牛肉嫩滑?

碎牛就放下滾起就熄火(離火後至好攪d肉)，滑牛就好講技巧，腌好備用，唔可一大煲咁整，要好似人地整生滾粥咁，遂碗滾。同快手，唔好滾到全熟，7 成就要熄火，因d 粥好熱，熄火後重會繼續煮至全熟。